المشاركات
كلمات قصيدة هذا اخوي الما يدير متونة سيد فاقد الموسوي
نزلت اعليه الملائك رادو ينصرونه
شافهم يمه وتفاجئ والغضب بعيونه
گام يتمايل الحر ودرعه ضك بمتونه
وگالهم هاشم عزيزه وماتحب العونه
هاشم تريد اثگال ... والسيوف الها ارجال
يا حسين يا ابا عبدالله .... يا حسين يا ابا عبدالله
★★~~•~~★★~~•~~★★
حي ابو الاكبر لكد ميمونه
التوه وذب الثامه عن عيونه
طلع للثار حسين ... يطلب الشر جفين
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
هذا اخوي الماعرف ديرة متن
عله الذله حسين ما غمض جفن
يضحك اعله الحرب لو صارت طحن
لا يمل ولا يجل ولا يجن
هذا جحجيح الگوم ... هلهلن للمضلوم
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
زامطي بعودج يسكنه وهلهلي
هذا اخوي وتاج راس وزود الي
وجه عباس وگفاه يشبه علي
الهوه يحبه براسه ويمر محملي
هذا طرّاگ البيد ... حيد طالع من حيد
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
زودي هذا وهذا راعي طلابتي
يدوهن الدنيه من اذب اعصابتي
هذا خدري واعز من بوشايتي
حجايتي تگومه وتگعده احجايتي
ما يگلي شتردين ... يگلي بس تأشرين
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
شافهن وارخه اللثام وگالهن
هلا بزود الماكو واحد شافهن
بس لخوهن طلعن من اخيامهن
گبل لا ينسبن آخذ ثارهــن
بيها ماشوف اصگور ... بس عليهم مجبور
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
الّكد وتمايل امايل من لكد
رعد غيم مطر واصول وارتعد
صول اعله اخشومها وشد وصعد
اسد لا يخسه الاسد يم الاسد
يردها وترد اعليه ... تجفل من اتلاگيه
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
هال دمها وطاحت الشدت حزم
صعد دم لرجابها وشلهت عزم
ردم وحسين الردم واهل الردم
زلم بس حسين ما وياه زلم
ماكو هدنه ويه الناس ... الا يرجع عباس
★★~~•~~★★~~•~~★★
هذا اخوي الما يدير امتونه
★★~~•~~★★~~•~~★★
۞ اداء:- سيد فاقد الموسوي
۞ الشاعر:- احمد المشرفاوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ
