المشاركات
كَلَّمَـےـاتِـ قصيدة وينك سيد فاقد الموسوي
وينك .. عباس گالو ع النهر نايم
وينك .. آنه الثگيل اركض هايم
عباس ليش اعله النهر طايح
ارجع گلتلي وماگلت رايح
وينك .... وينك
ـــــــــــــــــــ ❁❀❁❀❁ ــــــــــــــــــــ
واگف اباب الخيم وعيوني تربي
هسه يرجع چان يحچي وياي گلبي
گمت اگل لسكينه هسه يرد واشربي
والتريد تطيح اگلهه بهدمي چلبي
كلهن ... بهدومي كضن وآنه حاضنهن
كلهن ... فريتلك وتطشرن كلهن
ـــــــــــــــــــ ❁❀❁❀❁ ــــــــــــــــــــ
جيتك الف وتسعمية جرح شايل
امايه لاركض چني صاعد ع المحامل
ضهري مايل مدري انته البيه مايل
روحي اجتك گبلي تركض يابو فاضل
روحي ... سبگتني روحي وجيتك بنوحي
روحي ... عباس لاتجزيك كض روحي
ـــــــــــــــــــ ❁❀❁❀❁ ــــــــــــــــــــ
كلشي هان ونومتك عباس شده
ليش هوه حسين چم عباس عنده
گوم تچيلي ارد ارد مابيه رده
لاتگوم مبارك اگعد يمي گعده
تدري ... من جيتك وخليت صيواني
تدري ... يبچون گامو حته عدواني
ـــــــــــــــــــ ❁❀❁❀❁ ــــــــــــــــــــ
حدبت عباس من ثگلت حمولي
وحدي اردن غيرهه ياروحي گولي
خصمك بعين الشماته تباوعولي
هاي اول مره ما امشي اعله طولي
ضهري ... توه انحنه وبين علي كبري
ضهري ... توه انحنه وبين علي كبري
ـــــــــــــــــــ ❁❀❁❀❁ ــــــــــــــــــــ
۞اداء:- سيد فاقد الموسوي
۞الشاعر:- احمد المشرفاوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيام
