المشاركات
قصيدة ثگيلة للاب
ها يكلبي شايلين اهل المحنه
ها يكلبي راح والدنه وسندنه
خلافه راح انهل دموع
ونشعل الكبره الشموع
ها يكلبي...هايكلبي
ها يكلبي لاتتاني اكطع ضنونك
شالو اهلك هايكلبي ومايجونك
خلافهم راحت تهل دمعه عيونك٢
خلافهم تحزن اسنين
خلافهم للمرحلين
ها يكلبي...هايكلبي
ها يكلبي شلون حالك من جفوك
يوم شالوا لاخبر لاوادعوك
وانته صابر تنتظر هلبت يجوك٢
بغربه خلوك ونسوك
وبسفرهم كطعوك
ها يكلبي...هايكلبي
هايكلبي شحصلت غير الجروح
بس تون ليل ونهارك بس تنوح
انه اخاف عليك لاروحك تروح٢
تروح روحك بالجراح
ماتبطله للنياح
ها يكلبي...هايكلبي
هايكلبي وين تلكاهم بعد
بالمكابر غاب بدرك والسعد
وسفه بالمظلم غفه جوه اللحد٢
غمضت عين الحنان
راح وياه الامان
ها يكلبي ...هايكلبي
تمت بقلم خادمه اهل البيت ع
ام زهراء الفااطميه
أسألكم الدعاء
اهداء الى روح وضريح والدي الغالي ...
