المشاركات
سيد فاقد الموسوي كلشي انتهى
كلشي انتهى ومات الوفه ونسونه
بيهم جنت راية بخت جفونه
مشو جفو هلي
كلهم گضو شلي
البيهم جنت راية بخت جفوني
ـــــــــــــــــــ ❁ ❁ ❁ ــــــــــــــــــــ
بعد ماخلصن بعيوني وداع ... يهلنه
تطشر مثل طشت ماي بالگاع ... شملنه
مالحگت صاير يمشي بساع ... وكتنه
ينشد گلبي يمكن ياكلب ضاع ... تعبنه
تعب دمع بعيوني
غربه الاهل جفوني
البيهم جنت راية بخت جفونه
ـــــــــــــــــــ ❁ ❁ ❁ ــــــــــــــــــــ
يماخذ كلشي رد للعين يوحيد ... نضرها
الخذه كلشي الوكت من عدها شيريد ... يضرها
احسبها الفاجده من تلاگي العيد ... عصرها
تربي الولد يمدلل تريد ... ذخرها
بعد گبر ورانه
چن الولد نسانه
البيهم جنت راية بخت جفونه
ـــــــــــــــــــ ❁ ❁ ❁ ــــــــــــــــــــ
ساعه انطيني من وكتك يجسام ... ييمه
مبارك خل ازفك وارفع الهام ... ييمه
المضيف الحسن زفه بين الخيام ... ييمه
اعله راسك بني هاشم تنشر اعلام ... ييمه
بعرسك گمر يزفك
ثوب الحسن يلبسك
البيهم جنت راية بخت جفونه
ـــــــــــــــــــ ❁ ❁ ❁ ــــــــــــــــــــ
بيد كل الضوه بخيمتها ترجاك ... يجاسم
يبن كل الهله منتضره ملگاك ... يجاسم
گلها مبارك وراويها مگفاك ... يجاسم
گلها الحومه عرسي تزفني هناك ... الصوارم
دمه عطش عرسنه
سحگ طعن يزفنه
البيهم جنت راية بخت جفونه
ـــــــــــــــــــ ❁ ❁ ❁ ــــــــــــــــــــ
گبل لا تمشي منك رايده الشور ... يتعبي
عگبك راح اصيرن عاشگه گبور ... يتعبي
احچي وياي سولف گلبي مكسور ... يگلبي
ال ها يمه افگدتها وافگدت صار ... واطلبي
وفي ودفو گعدته
ابني الشهم فگدته
البيهم جنت راية بخت جفونه
ـــــــــــــــــــ ❁ ❁ ❁ ــــــــــــــــــــ
۞اداء:- سيد فاقد الموسوي
۞الشاعر:- حيدر الحمداني
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ
منتز ستمرو
ردحذف