المشاركات
حسين شو محد فگدني وگال لمي هدومج
من امس گلبي يسولف يمكن يخلونج
بويه بس لا باجر تودعوني
من اضلن وحدي تموتوني
❥━──➸➽❥❂❥━──➸➽❥❂
م̷ن امس وعيوني تدمع واني اكول شمالهن
جنت من آلامي اونن هسه موش بحالـهن
من شفت لمة خواتي ولامات كوارهــن
وحده صاحت بسم وحدع واني مو بلسانهن
فوگ مرض رويحتي تعبونــهه
ليش اطلع اهدومي وتضمونــهه
❥━──➸➽❥❂❥━──➸➽❥❂
البارحه ادعي الليل كله وعيني مامرها الوسن
وابجي حدر اغطاي سكته وتعبن عيوني وغفن
الخاطر امك بويه اخذني الخاطر عيوني الگضن
الهوه يطيحني م̷ن اگومن مو ثگيله اعله الضعن
من امس واترجه چلمة گــومي
گولهه وخليني الم اهدومــي
❥━──➸➽❥❂❥━──➸➽❥❂
بويه طفله بدار فرغت وحدي اضلن ضلتيش
تدري مرضي يزود عگبك ولو عگبك ما اعيش
كلهن يروحن خواتي وحدي اضل مطلوبه بيش
كل هوادجكم انشدن هودجي يضل يمي ليش
بويه فرح گلبي وارحم حــالتي
وخل علي الاكبر ينوخ نــاگتي
❥━──➸➽❥❂❥━──➸➽❥❂
الله اكبر من تكلي امشينه يحسين شيصير
مدري اركض مدري اطيحن مدري من الفرحه اطير
بويه ماعورت گلبك آخ ياگلبي الزغير
سهل حسبالي الموادع ثاري الموادع چبير
حته خياتي كضيت ادموعهن
يمشن ومفتره ليه اعيونهن
❥━──➸➽❥❂❥━──➸➽❥❂
توكل اعله الله يغالي واني راح البيت افوت
اني اسولف وانته دمعك مخيم اعليهه السكوت
شما تطول الگطعه بيكم بويه راح اگطع الصوت
واحد من اخواني خلو عاد يدفني من اموت
ارد اموت الموت يشفي جروحي
هاي اول مره اكره روحي
❥━──➸➽❥❂❥━──➸➽❥❂
لا بنيه وياي ضلت ليلي وحشه اخلافهن
باجر اول يوم فارغ من خواتي فراشهن
باجر اول يوم انامن وحدي مو بيناتهن
م̷ن امس يبچن عليه وشاهدت دمعاتهن
كون اموتن احسن من افراگهن
فارغ ويحرگ بگلبي فراشهن
اداء :- سيد فاقد الموسوي
الشاعر: -
كاتب القصيده: - تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ
استمر لنشر قصائد لسيد فاقد
ردحذف